Stjórnvöld í Þýskalandi hvöttu í dag alla aðila til að halda áfram samningaviðræðum um vopnahlé á Gasa eftir að ágreiningur milli Ísraelsmanna og Hamas virtist harðna í viðræðum þeirra á milli í Kaíró í Egyptalandi um helgina.

Ísraelsher hefur hvatt almenning til að yfirgefa borgina Rafah áður en hernaðaraðgerðir hefjast í borginni en yfirvofandi árás hefur vakið ótta hjá hjálparsamtökum og leiðtogum alþjóðasamfélagsins.

Frétt af mbl.is

Herinn ráðleggur fólki að flýja Austur-Rafah

Sendinefnd Hamas yfirgaf Kaíró í gær en þar fóru fram viðræður um vopnahlé.

„Ekki má tefla samningaviðræðunum í tvísýnu og allir aðilar verða að gera hámarks viðleitni til að tryggja að fólkinu á Gasa sé útvegað mannúðarvörum og að gíslarnir verði látnir lausir,“ segir Annalena Baerbock, utanríkisráðherra Þýskalands.

Að sögn talsmanna ísraelska hersins létust fjórir ísraelskir hermenn lífið og nokkrir særðust þegar eldflaugum var skotið í átt að Kerem Shalom landamærastöðinni milli Ísraels og Gasa í gær.

Er sama um mannúðarþarfir fólksins

Hamas liðar hafa haldið þvi fram að eldflaugaárásin, sem leiddi til þess að ísraelsk yfirvöld lokuðu stöðinni, hafi verið notuð til að koma hjálpargögnum til Gasa.

„Skotárásin á einn mikilvægasta aðgangsstað mannúðaraðstoðar sýnir enn og aftur að hryðjuverkamönnum Hamas er sama um mannúðarþarfir fólksins á Gasa,“ segir Baerbock, utanríkisráðherra Þýskalands.

Tengdar fréttir

Ísrael/Palestína

Að minnsta kosti 20 látnir

• Hótar að segja sig úr þjóðstjórninni
• Fluttu lík Benjamín frá Gasa
• Lík þriggja gísla flutt til Ísrael
• Fyrstu hjálpargögnin tekin að berast

» Fleiri tengdar fréttir

• Blogga um frétt