Daninn Thomas Frank gæti orðið næsti knattspyrnustjóri karlaliðs Manchester United yrði Hollendingurinn Erik ten Hag rekinn.
Frá þessu greina enskir sem og danskir miðlar í morgunsárið en samkvæmt þeim er Thomas Frank afar ofarlega á lista Manchester United.
Frank hefur stýrt Brentford undanfarin ár við góðan árangur. Liðið er í 16. sæti deildarinnar með 39 stig og langt frá fallsvæðinu.
Starf ten Hag er í hættu en tímabil Manchester United hefur verið afleitt. Er liðið í áttunda sæti deildarinnar með 54 stig en þó í úrslitaleik enska bikarsins.