Valur fær Grindavík í heimsókn í fyrsta leik liðanna í úrslitaeinvígi Íslandsmóts karla í körfuknattleik á Hlíðarenda í kvöld.
Valsmenn eru þar með í úrslitum þriðja árið í röð en Grindavík hefur ekki verið í úrslitum síðan 2017.
Valur vann Njarðvík, 3:2, í einvígi sem var spennandi fram að síðustu sekúndu. Grindavík vann Keflavík einnig í fimm leikjum en oddaleikur liðanna í Smáranum, þar sem Grindavík hefur leikið síðustu mánuði, var allt annað en jafn þar sem Grindvíkingar jörðuðu Keflavík.
Leikurinn hefst klukkan 19.15 og verður í beinni textalýsingu á mbl.is.