Enska knattspyrnuliðið Wolverhampton Wandererers hefur keypt miðjumanninn Tommy Doyle frá Manchester City.
Talið er að kaupverðið séu tæplega fimm milljónir punda en skiptin ganga í gegn 1. júlí þegar félagsskiptaglugginn opnar á Englandi.
Doyle hefur verið á láni hjá Úlfunum á tímabilinu en hann hefur komið við sögu í 20 leikjum í ensku úrvalsdeildinni. Hann hefur einnig farið á lán til Hamburger SV, Cardiff og Sheffield United frá City en mun nú verða leikmaður Úlfanna.
Úlfarnir sigla lygnan sjó í ensku úrvalsdeildinni en Gary O'Neal hefur gert virkilega góða hluti á tímabilinu. Svo virðist vera sem aðilar innan félagsins séu komnir á fullt við að undirbúa næsta tímabil.