Chelsea valtaði yfir West Ham í ensku úrvalsdeild karla í knattspyrnu í dag. Leikurinn endaði 5:0 fyrir Chelsea á heimavelli.
Cole Palmer skoraði fyrsta mark leiksins þegar stundarfjórðungur var liðinn og Conor Gallagher kom Chelsea í 2:0 á 30. mínútu.
Noni Madueke skoraði svo þriðja mark Chelsea eftir stoðsendingu frá Thiago Silva og staðan var 3:0 í hálfleik.
Nicolas Jackson skoraði svo fjórða mark Chelsea þegar aðeins þrjár mínútur voru liðnar af seinni hálfleik og setti svo annað á 80. mínútu.
Jarrod Bowen skaut þrisvar sinnum í tréverkið og hefði auðveldlega getað minnkað muninn en það tókst ekki.
Chelsea er nú í sjöunda sæti í deildinni með 54 stig og West Ham í níunda með 49 stig.
Brighton hafði betur gegn Aston villa á heimavelli, 1:0 en Joao Pedro skoraði sigurmarkið á 87. mínútu. Robin Olsen varði vítaspyrnu frá honum en Pedro náði frákastinu og skoraði.
Aston Villa er enn í fjórða sæti, Meistaradeildarsæti, með 67 stig þrátt fyrir tapið. Brighton er í 11. sæti með 47 stig.