Bandaríski körfuboltamaðurinn Darius Morris er látinn, en hann var aðeins 33 ára gamall. Morris lék m.a. með stórliðinu Los Angeles Lakers í NBA-körfuboltanum.
Hann var valinn af Lakers í nýliðavalinu árið 2011 og lék í tvö ár með liðinu í borg englanna. Lék hann einnig með Philadelphia 76ers, LA Clippers, Memphis Grizzlies og Brooklyn Nets, alls 132 leiki í NBA.
Miðlar vestanhafs hafa ekki greint frá dánarorsökum leikmannsins en TMZ segir að hann hafi fundist látinn í nágrenni við Los Angeles.